Posted on  by Jhoana Bassig

Title: FCAs, Farmer-Heroes, Ginawaran Bilang Best Rice R4D Techno Takers; LGU with Highest Investment in Rice Program, Kinilala rin

Ginawaran ng Masagana Rice Industry Development Program ng DA Region ang iba’t – ibang Farmers’ Cooperatives an Associations (FCAs) at magsasaka sa Rehiyon Dos sa isinagawang Culmination Activity ng National Rice Awareness Month Celebration na dinaluhan ng halos 500 farmer-heroes sa DA-Southern Cagayan Research Center (SCRC) sa Minanga, Iguig, Cagayan.

Narito ang mga FCAs na kinilala bilang Best R4D Techno Takers at ginawaran ng Certificate of Recognition at Php15,000.00:

  • Golden Harvest MPC mula sa Abulug, Cagayan (Northern Cagayan Experiment Station)
  • Western Alcala Farmer Irrigators Cooperative mula sa Afusing Daga, Alcala, Cagayan (Southern Cagayan Research Center)
  • Farmers Irrigators Association mula sa Casala, San Mariano, Isabela (Isabela Experiment Station)
  • Baru a Langa ti Mannalon Agriculture Cooperative mula sa Gamu, Isabela (Cagayan Valley Research Center)

Para sa individual category, dalawang magsasaka ang ginawaran. Narito ang magsasakang nabigyan ng Certificate of Recognition at Php10,000.00 each worth of farm inputs (in kind):

  • Venancio Navarro mula sa San Mariano, Isabela (Isabela Experiment Station)
  • Herminio Esteban mula sa Tandul, Cabatuan, Isabela (Cagayan Valley Research Center)

Kinilala rin ng kagawaran ang Farm-Tech Development Network Academy, Inc. bilang 2025 Most Innovative Rice-based Learning Site for Agriculture.

Samantala, itinalagang Province with Highest Investment in Rice Program ang probinsiya ng Isabela na nag-uwi ng Certificate of Recognition at Php1,000,000.00 worth of agricultural project. Samantala, sa LGU level, ang Allacapan, Cagayan ay nanguna sa may pinakamataas na inilaang pondo para sa agrikultura. Pinagkalooban din ang munisipalidad ng proyekto na nagkakahalaga ng P500,000 batay sa kanilang isusumiteng project proposal.

Taon-taon isinasagawa ng kagawaran ang pagkilalang ito upang ipagbunyi ang tagumpay ng mga rice-farmer heroes na mayroong napakalaking ambag sa sektor ng agrikultura sa Lambak ng Cagayan.

 

Istorya ni: Jackilou Tumaliuan