Labindalawang grupo ng mga magsasaka mula sa probinsya ng Quirino ang tumanggap ng kabuuang ₱ 11,711,667.51 milyong halaga ng mga interbensyong pang-agrikultura mula sa Kagawaran ng Pagsasaka Rehiyon Dos, sa katatapos na pagdiriwang ng Farm Family Day noong Setyembre 9, 2025 sa Provincial Gymnasium, Cabarroguis, bilang bahagi ng 54th Araw ng Quirino Panagdadapun Festival.
Personal na tinanggap ng mga magsasaka ang makinarya at kagamitang pansakahan, agricultural infrastructure, garden tools and equipment, binhi ng mais, abono, at iba pang processing equipment mula sa ahensya bilang bahagi ng value chain program.
Kabilang sa Farmers’ Cooperative Associations (FCAs) na benepisyuhan nito ay ang mga sumusunod:
- Cardenas Muti-Purpose Farmers Association – 3 units Pump Irrigation System for Open-Source (P287,994 pinondohan ng DA-Corn Program); Agricultural machineries and inputs (P1,115,000 pinondohan ng DA-SAAD Program)
- Damanisi Agrarian Reform Beneficiary Cooperative – 10 units Pump Irrigation System for Open-Source (P959,980 pinondohan ng DA-Corn Program)
- Cajel Farmers Association – 1 Multi-Crop Drying Pavement (P761,829.04 at 5 units of Pump Irrigation System for Open-Source pinondohan ng DA-Corn Program)
- Eden Upland Farmers Association – 1 unit Multi-Crop Drying Pavement (P673,656.17, 7 units Pump Irrigation System for Open-Source – P699,650 at 1 unit Two-Row Corn Seeder – P255,000 pinondohan ng DA-Corn Program)
- Masa Auto Savings Multi-Purpose Cooperative – 1 unit Palay Shed (P454,879.26 pinondohan ng Rice Program)
- Diffun Saranay Development Cooperative – 1 unit Forklift (P1,088,000 pinondohan ng DA-Rice Program)
- Eden Indigenous People Farmers Association – 3 units Pump Irrigation System for Open-Source (P299,850 pinondohan ng DA-Corn program) at 1 unit Two-Row Corn Seeder (P255,000 pinondohan ng DA-Corn Program)
- Villarose Farmers Association – 1 unit Two-Row Corn Seeder (P255,000 pinondohan ng DA-Corn Program)
- Ricarte Sur Farmers Agrciulture Cooperative – 5 units Pump Irrigation System for Open-Source (P499,750 pinondohan ng DA-Corn Program)
- San Martin Farmers Agriculture Cooperative – 10 units Pump Irrigation System for Open-Source (P999,500 na pinondohan ng DA-Corn Program)
- Ugnayan ng mga Lupong Agrikultura ng Dibul – various agricultural projects na nagkakahalaga ng P1,345,000 na pinondohan ng DA-SAAD Program)
- La Paz Agriculture and Fishery Farmers Association – various agricultural projects na nagkakahalaga ng P500,000 na pinondohan ng DA-SAAD Program)
Bilang kinatawan ni DA Regional Executive Director Rosemary G. Aquino, inilahad ni DA Regional Technical Director for Research and Regulations Ms. Kay S. Olivas ang mensahe ng pagkilala sa kasipagan ng mga magsasaka at ang kahalagahan ng programa ng Kagawaran sa pagpapalakas ng kanilang produksyon at kabuhayan.
Nagpaabot din ng mensahe sina 2nd District Board Member Tomas Baccac at dating Gobernador Junie Cua, bilang kinatawan ni Quirino Governor Dakila Carlo Cua, na nanawagan sa mga benepisyaryo na gamitin nang wasto ang mga natanggap na tulong para sa kapakinabangan hindi lamang ng kanilang grupo kundi ng buong komunidad.
Ang nasabing programa ay bahagi ng patuloy na pagsusumikap ng DA Rice and Corn Programs, at DA-Special Area for Agricultural Development (SAAD) na maisulong ang inclusive growth sa mga malalayong komunidad sa pamamagitan ng pagpapalakas sa sektor ng agrikultura.
Istorya: Julian Florague