Nagtagisan ng husay at galing ang mga “cowboys” mula sa iba’t ibang lugar sa kauna-unahang Regional Beef Cattle Congress–Rodeo Competition ng Department of Agriculture Regional Field Office No. 2 (DA-RFO 02) sa ilalim ng Livestock Program, alinsunod sa pagpapaigting ni Secretary Francisco Tiu Laurel Jr. na isulong ang Good Animal Husbandry Practices (GAHP) sa mga komunidad, noong Agosto 20, 2025 sa DA -Quirino Experiment Station.

Nasa labing-isang grupo ang lumahok kabilang ang Ranchers Club Philippine, Provet Rodeo Cagayano, PLGU Isabela, CLSU Rodeo Club and Friends, Peñablanca Cowboys, Range Calves Alumni, TAU Kerby Team, NVES Rodeo Club, BASC Wreckless Colts, Range Calves, at Quirino Capitol Cowboys, kung saan kanilang ipinamalas ang kanilang husay sa Lassoing on Foot, Steer Wrestling, Casting Down, Karambola, Wood Chopping, Load Carrying, at Bullwhipping.

Layunin ng kompetisyon na maipakita ang wastong pamamaraan ng paghawak ng mga baka na nakasisiguro sa kaligtasan ng hayop, magsasaka, at mga beterinaryo. Gayundin, binibigyang-diin nito ang kahalagahan ng pag-aalaga upang matiyak na sila ay nasa maayos na kundisyon.

Matapos ang kompetisyon, nagwagi ang mga grupo sa iba’t ibang kategorya:

1. Lassoing on Foot

Champion: Range Calves

First Runner Up: Range Calves Alumni

Second Runner Up: CLSU Rodeo Club and Friends

2. Steer Wrestling

Champion: Range Calves

First Runner Up: BASC Wreckless Colts

3. Casting Down

Champion: Peñablanca Cowboys

First Runner Up: Capitol Cowboys

Second Runner Up: TAU Kerby Team

4. Karambola

Champion: BASC Wreckless Colts

First Runner Up: TAU Kerby Team

Second Runner Up: Capitol Cowboys

5. Load Carrying

Champion: Peñablanca Cowboys

First Runner Up: Range Calves Alumni

Second Runner Up: Capitol Cowboys

6. Wood Chopping

Champion: Peñablanca Cowboys

First Runner Up: NVES Rodeo Club

Second Runner Up: Capitol Cowboys

7. Bullwhipping

Champion: CLSU Rodeo Club

First Runner Up: Range Calves Alumni

Second Runner Up: Range Calves

Sa pagtatapos ng kompetisyon, itinanghal na Overall Champion ang Range Calves, sinundan ng TAU Kerby Team ( First Runner Up) at Range Calves Alumni ( Second Runner Up)

Samantala, ang nasabing aktibidad ay nagsilbing makabuluhang hakbang upang higit pang mapatatag ang integrasyon ng Rodeo sa larangan ng agrikultura, sa pamamagitan ng pagpapalalim ng ugnayan ng livestock management, animal welfare, at mga tradisyunal na kasanayan.

Istorya: Castle Castillo