‘Service knows no boundaries’

Pinatunayang muli ng Department of Agriculture Regional Field Office 02 na walang pinipiling lugar ang tunay serbisyo alinsunod sa kagustuhan ni Pangulong Ferdinand “Bongbong” Marcos, Jr. matapos isagawa ang Agri-Serbisyo Caravan sa Barangay Pallas, Bambang, Nueva Vizcaya noong Agosto 14, 2025.

Tinatayang nasa 80 magsasaka ang dumalo sa naturang kaganapan. Tumanggap sila ng Compost Fungus Activator, biofertilizer (legume inoculant, Agri-N Plus), Biocontrol Agents, (metarhizium, beauveria, earwig), kalamansi at pomelo seedlings, vegetable seedlings, at assorted seeds.

Isinagawa rin ang on site soil analysis gamit ang soil test kit (STK) sa mga lupa na pagmamay-ari ng mga magsasakang gustong malaman ang fertilizer na kanilang gagamitin at testing of pesticide residue gamit ang rapid test kit (RTK); at demo on grafting. Maging ang Technical Briefing on the Utilization of Soil Laboratory Results and Soil Fertility Map, at Technical Briefing on Proper Soil Sampling Procedure ay matagumpay ding naisagawa.

Pinangunahan ng Integrated Laboratory Division, Regional Soil Laboratory, Research Division, Regional Crop Protection Center, at Nueva Vizcaya Experiment Station ang naturang caravan.

Istorya: Jackilou Tumaliuan

Larawan: Lleyton John Concepcion